Saturday, November 17, 2018

Medical College k woh din...


Jab exam mein invigilator strict ho, copy karne na mile toh dukh hota hai,
Par Roll Number ke hisab se middle row ki 1st bench aa jaye toh jyada dukh hota hai.

Jab exam mein tum aur tumhara best friend fail ho jayen toh dukh hota hai,
Par tum latak jao aur tumse copy karke woh dost pass ho jaye toh jyada dukh hota hai.

Jab barish mein naye leather shoes bheeg jayen toh dukh hota hai,
Par hostel mein jab 3-4 din tak underwear na sukhen toh jyada dukh hota hai.

Jab medical ki padhai ke chakkar mein tum salon tak ghumne na ja pao toh dukh hota hai,
Par jab non medical dost Facebook par foreign trip ki photo dalen toh jyada dukh hota hai.

Jab internship mein Registrar aur Houseman tumse khana-xerox mangwayen toh dukh hota hai,
Par jab kamine unn Xerox ya khane ka paisa na den toh jyada dukh hota hai.

Jab batch ki sabse hot ladki tumhe bhav na de toh dukh hota hai,
Par tumhare best friend ki woh girlfriend ban jaye toh jyada dukh hota hai.

Jab pata chale ki batch ki sabhi achi ladkiyan booked hain toh dukh hota hai,
Par jab Junior batch mein achi ladkiyan aa jayen aur tum ghur na pao toh jyada dukh hota hai.

Jab girlfriend se breakup ho jaye toh tute dil ko dukh hota hai,
Par jab who Ex-Girlfriend jald hi naya boyfriend pakadle toh jyada dukh hota hai.

Jab socho ki zindagi ke 9-10 saal padhai mein, saade jeevan mein laga diye toh dukh hota hai,
Par jab unn medical college ke dinon ko yaad kar aakhon se aasun tapke toh jyada dukh hota hai.

No comments: